ഇസ്ലാമോഫോബിയയുടെ വകഭേദങ്ങൾ; ചരിത്രം പരതുമ്പോൾ...
Raseena Wafiyya Thathrampally
"Adovcacy of eaquality of the sexes and the establishment of the political, social and economic rights of the female sex;the movement associated with this -ലിംഗസമത്വത്തിനും സ്ത്രീകളുടെ രാഷ്ട്രീയവും സാമൂഹികവും സാമ്പത്തികവുമായ അവകാശങ്ങൾക്ക് വേണ്ടിയുമുള്ള വാദം; അതുമായി ബന്ധപ്പെട്ട പ്രസ്ഥാനം " Oxford dictionary യിൽ 'feminism ' എന്ന പദത്തിൻ്റെ meaning ഇപ്രകാരം കാണാം. അതെ, ഫെമിനിസം എന്ന ആശയത്തിൻ്റെ ഉത്ഭവം തന്നെ അടിച്ചമർത്തപ്പെട്ട സ്ത്രീകളുടെ അവകാശങ്ങൾക്ക് വേണ്ടിയുള്ള പോരാട്ടത്തിൽ നിന്നായിരുന്നു.സ്ത്രീക്ക് ഒരു മൂല്യവും കൽപ്പിക്കാതെ അവളെ ഒരു ലൈംഗികോപാധിയായി മാത്രം ദർശിച്ച സമൂഹത്തിന് നേരെ അത് വരെ മൗനം പാലിച്ചിരുന്നവൾ ഒന്ന് ശബ്ദിക്കാനുള്ള ശ്രമം നടത്തിയപ്പോൾ അവിടെ ഫെമിനിസമെന്ന പ്രസ്ഥാനം രൂപം കൊണ്ടു.നിഷേധിക്കപ്പെട്ട നീതിക്ക് വേണ്ടിയുള്ള ശബ്ദമായിരുന്നു അത് തുടക്കത്തിലെങ്കിലും പതിയെ അത് പുരുഷവർഗത്തോടുള്ള കൊടിയ ശത്രുതയായി പരിണമിച്ചുവെന്ന് വേണം പറയാൻ. പത്തൊമ്പതാം നൂറ്റാണ്ടിൻ്റെ അവസാനത്തിലും ഇരുപതാം നൂറ്റാണ്ടിൻ്റെ തുടക്കത്തിലുമായി ആവിർഭവിച്ച ഫെമിനിസത്തിൻ്റെ മുഖ്യലക്ഷ്യം സ്ത്രീകൾക്കുള്ള വോട്ടവകാശവും അഭിപ്രായ സ്വാതന്ത്ര്യവും നേടിയെടുക്കലായിരുന്നു.പുരുഷൻ്റെ ഇണ സ്ത്രീയെന്ന പ്രകൃതിനിയമത്തെ തട്ടിത്തെറിപ്പിച്ച് കൊണ്ട് സ്ത്രീക്ക് എന്തുകൊണ്ട് സ്ത്രീയുമായി ലൈംഗികബന്ധത്തിലേർപ്പെട്ടു കൂടാ എന്ന മൂഢ ചിന്താഗതിയെ ഉയർത്തിപ്പിടിച്ച ലെസ്ബിയൻ ഫെമിനിസം വരെ ഇതിനിടെ വളർച്ച പ്രാപിച്ചു. ഇടക്കാലത്തെപ്പഴോ ഇത്തരം ചിന്താധാരകൾ ഇസ്ലാമിൻ്റെ നിയമവ്യവസ്ഥകളിലേക്ക് കടന്നു കയറി. അങ്ങനെ ഇസ്ലാമിക് ഫെമിനിസവും രൂപാന്തരപ്പെട്ടു. ഇസ്ലാമിലെ നിയമങ്ങളിൽ പലതും പുരുഷ മേൽക്കോയ്മയുടെ ഫലമാണെന്ന് ചൂണ്ടി കാണിച്ച ഇവർ ഖുർആനിനെ 'പുനർവ്യാഖ്യാനം ' നടത്തി. അവരുടെ ഭാഷയിൽ പുരുഷൻ്റെ 'കൈ കടത്തലു'കളില്ലാത്ത ഒരു 'സ്ത്രീപക്ഷ' വായന!?
ജൂതമതം, ക്രിസ്തുമതം തുടങ്ങി ലോകത്ത് നിലനിൽക്കുന്ന സർവ്വ മതങ്ങളും സംസ്കാരങ്ങളും സ്ത്രീക്ക് ഒട്ടും പ്രാധാന്യം കൽപ്പിക്കാതിരുന്നിട്ടും സ്ത്രീയുടെ കാൽക്കീഴിലാണ് സ്വർഗ്ഗമെന്ന് പ്രഖ്യാപിച്ച ഒരു മതം മാത്രം എന്തു കൊണ്ട് പുരുഷ മേൽക്കോയ്മയുടെ പിടിയിലെന്ന വാദമുയർന്നു? ബൈബിളിലും തോറയിലും സ്ത്രീവിരുദ്ധമായ പല പ്രസ്താവനകളുമുണ്ടായിട്ടും ജൂത ഫെമിനിസമോ ക്രിസ്റ്റ്യൻ ഫെമിനിസമോ ലോകത്ത് രൂപാന്തരം പ്രാപിക്കാതിരിക്കാൻ എന്തായിരുന്നു കാരണം? അതു തന്നെയാണ് ഇസ്ലാമോ ഫോബിയയുടെ വറച്ചട്ടയിൽ വറുത്തെടുത്ത ഒരു പുതിയ വിഭവമായിരിക്കണം ഇസ്ലാമിക് ഫെമിനിസവുമെന്ന് ചിന്തിക്കാൻ എന്നെ പ്രേരിപ്പിക്കുന്നത്. കാരണം മറ്റൊന്നുമല്ല ,ഇസ്ലാമിക് ഫെമിനിസ്റ്റുകളെന്ന പേരിൽ ഉയർന്നു വന്നവരെല്ലാം പാശ്ചാത്യരോ പാശ്ചാത്യ രാജ്യങ്ങളിൽ വളർന്ന് വിദ്യഭ്യാസം നേടിയവരോ, പശ്ചാത്യ ചിന്തകളിൽ സ്വധീനിക്കപ്പെട്ടവരോ ആണെന്ന് കാണാം.ഇസ്ലാമിലെ സ്ത്രീക്ക് അവകാശം നേടികൊടുക്കുക എന്നൊരു മറ പിടിച്ച് ഇസ്ലാമിനെ വികലമാക്കുക എന്നതിലുപരി മറ്റൊരു ലക്ഷ്യവും ഇതിനു പിന്നിലുണ്ടാവില്ല തന്നെ. എന്തെന്നാൽ, ഇസ്ലാം എക്കാലത്തും ഇതരമതങ്ങളുടെ പേടിസ്വപ്നമായിരുന്നെന്ന കാര്യം ചരിത്രത്തിൻ്റെ ഏടുകളിൽ ഉല്ലേഖനം ചെയ്യപ്പെട്ട വസ്തുതയത്രേ. ആ ഏടുകളെ ഒന്നവലോകനം ചെയ്യേണ്ടത് അനിവാര്യതയാണ് താനും.വാക്കുകളിവിടെ അവസാനിക്കുന്നില്ല. കടലാസു കഷ്ണങ്ങൾ ജീവസ്സുറ്റ അക്ഷരങ്ങളെ പുൽകാനായ് കാതോർത്തിരിക്കുകയാണ്. മഷിയൊഴുക്കി തൂലിക തളർന്നിട്ടുമില്ല....
(തുടരും)
Masha Allah...😍
ReplyDeleteMasha Allah...😍
ReplyDeleteMasha Allah...😍
ReplyDeleteما شاء الله
ReplyDelete